+ صلاة لأجل طفلي +

+ صلاة لأجل طفلي +

أبويا السماوي،

بشكرك لأجل طفلي الغالي ( .... ). بالرغم من انك اوكلتني عليه .. الا اني عارفة انه ملكك وليك .. وزي ما حنا اهديتلك صموئيل أنا باهديلك ابني يا رب. انا عارفة انه في حضنك وانك بتشمله دايماً برعايتك وحنانك..

ساعدني كأم، يا رب بضعفاتي وعيوبي..اني اشجع واسند ابني ..

أديني القوة والحكمة الإلهية عشان اساعد ابني يعيش في محبتك ومخافتك. 

مدني يا رب بكل شئ ناقصني عشان اساعد ابني يمشي في طريق الحياة الأبدية ..

ساعدني اني اكون امينة في مسئولياتي تجاهه..

ربي الحبيب، أرسل روحك القدوس يوميا لقيادته وتوجيه في الحياة.ساعده اكتر من اي وقت فات علي النمو في الحكمة والقامة .. في النعمة والمعرفة، في اللطف والرحمة والحب. خلي يارب كلمتك الحية تكون دليله في الحياة ..

ساعده انه يتغلب على الإغراءات والخطيئة اللي في العالم اللي ممكن توقعه بسهولة ..

بصلي يارب .. انه يخدمك دايماً بإخلاص وبقلب مُكرس بالكامل ليك .

بصلي انه يكتشف كم الفرح اللي في حضورك، من خلال علاقته اليومية بيك.

في اسم الرب يسوع.

آمين